“Пахтакор” клубининг спорт бўйича президент маслаҳатчиси Максим Шацких “Манчестер Сити” сафида тўп сураётган Ўзбекистон терма жамоаси ҳимоячиси Абдуқодир Ҳусанов ҳақида ўз фикрларини билдириб ўтди.
У “Спорц24.кз” нашрига берган интервьюсида Ҳусановни бошқа машҳур ҳимоячилар билан солиштириб, унинг шахсий фазилатларига алоҳида урғу берди.
Пуйоль билан солиштириб бўлмайди. У бошқа – жуда ҳиссиётли футболчи эди. Ҳусанов — маданиятли, тарбияли ва камгап йигит. Балки вақт ўтиб, майдондаги характери ўзгарар, аммо ҳозир Абдуқодир индамай ўз ишини қилади, дейди Шацких.
Максим Шацких, шунингдек, Ҳусановни Пепе билан таққослашга ҳаракат қилди, лекин бу ҳам тўлиқ ўхшаш эмаслигини айтди:
Пепе ёшлигида бошқача эди, кейинчалик тезлигини йўқотиб, бошқа йўл билан ўйин услубини кучайтирди. Балки бу жиҳатдан Ҳусановда бир оз ўхшашлик бор. Лекин у Ҳусанов бўлиб қолаверсин – бу етарли.
Эслатиб ўтамиз, Абдуқодир Ҳусанов 2024/25 йилги қишки трансфер ойнасида Франциянинг “Ланс” клубидан “Манчестер Сити”га кўчиб ўтди. Ҳозирга қадар у барча мусобақаларда 9 та ўйин ўтказиб, 1 гол муаллифига айланган.
Изоҳ (0)