Ўзбекистонда март ойида 20,16 млрд сўмлик электрдан ноқонуний фойдаланилгани аниқланди. Бу ҳақда “Ҳудудий электр тармоқлари” хабар берди.
Қайд этилишича, ҳудудларда “Ҳудудий электр тармоқлари” АЖ ҳамда тизим таркибидаги корхоналар комплаенс назорат тузилмалари томонидан ёқилғи-энергия ресурсларини талон-торож қилиш ҳолатларини аниқлаш ва уларга нисбатан тегишли чоралар кўриш юзасидан тадбирлар ўтказилмоқда.
Хизмат ходимлари томонидан жорий йилнинг март ойи давомида ўтказилган рейд тадбирлари давомида қиймати 20,16 млрд сўмлик 14,08 млн кВт/соат электр энергиясидан қонунга хилоф равишда фойдаланиш ҳолати аниқланди.
Тўпланган материаллар юзасидан қайта ҳисоб-китоб қилиниб, ҳужжатлар ҳуқуқни муҳофаза қилувчи органларга юборилган. Электр энергиясидан фойдаланиш қоидаларига риоя қилиш бўйича чора-тадбирлар давом этмоқда.
Бундай ҳолатлар сони ортиб бормоқда
Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди. Шунингдек:
- Бухорода 1,2 млрд сўмлик электрдан ноқонуний фойдаланилгани аниқланди
- Қорақалпоғистоннинг учта ҳудудида 845 млн сўмлик газдан ноқонуний фойдаланилди
- Бухоро ва Жиззахда электрдан ноқонуний фойдаланганлар 360 млн сўмдан зиёд зарар етказди
- Учта вилоятда қарийб ярим млрд сўмлик газдан ноқонуний фойдаланилди
Изоҳ (0)