НАСАнинг 69 ёшли астронавти Дон Петтит Ер орбитасидан олинган яшил қутб ёғдуси қандай кўринишини намойиш қилди.
Видео Халқаро космик станциянинг Австралия ва Антарктида ўртасидаги совуқ сувлардан ўтганида олинган. Кадрда жанубий ёғдунинг тўлқинлари кўринади. У Қуёш шамоли билан атмосферанинг юқори қатламларидаги кислород ўзаро таъсирлашганида юзага келади.
Шунингдек, астронавт сайёранинг бир қисми устида яшил туманли турбулентликни кўрсатган, бироқ видео айнан қаерда олинганини айтмаган.
Яшил ранг қутб ёғдусининг энг кенг тарқалган тусидир. У Қуёш шамолининг зарядланган заррачалари Ер сиртидан тахминан 100—300 км баландликдаги кислород атомлари билан ўзаро таъсири натижасида юзага келади. Айнан кислород қўзғалганда яшил спектрда ёруғлик чиқаради, биз уни осмонда рақсга тушаётган ёруғлик тўлқинлари сифатида кузатамиз. Қутб ёғдуси одатда юқори кенгликларда — шимолий ва жанубий магнит қутблари яқинида пайдо бўлади.
69 ёшли Петтит ўзининг Ердан ташқаридаги фотосуратлари ва тажрибалари билан машҳур бўлиб, уларни Х орқали оммага тез-тез улашиб туради.
Изоҳ (0)