16 март куни Ер узра тонг отишидан олдин бир вақтнинг ўзида иккита феномен кузатилди — шимол ёғдуси ҳамда осмон нурланиши. Бу ҳақда NASA 19 август куни ўзининг Instagram’даги саҳифаси орқали маълум қилган.
Таъкидланишича, ноодатий ҳодисани Халқаро космик станция астронавтларни жанубий Аляска бўйлаб амалга оширилган парвоз вақтида суратга олган.
Суратдан кўриш мумкинки, яшил-қизил рангли шимол ёғдусининг оқими қизил-сарғиш ранглар билан кесишиб, осмонни ёритувчи лентани ҳосил қилган. Чиқаётган Қуёш эса горизонт чегарасига тўқ кўк рангни қўшмоқда.
Бундан ташқари, суратнинг пастки қисмида Канаданинг Британия Колумбияси ва Альберта провинцияси шаҳарларидаги чироқларни ҳам пайқаш мумкин.
«Қутб ёғдуси ва ҳавонинг нурланиши турли физик жараёнлар сабаб юзага келади. Атмосферанинг нурланиши бу — ёруғликнинг атмосфера юқори қатламларидаги кислород, азот ва бошқа молекулалар билан кимёвий таъсири натижаси. Бошқа томондан эса қутб ёғдуси Қуёш энергиясининг Ер магнит майдони билан ўзаро таъсири натижасида юзага келади», — дея аниқлик киритади NASA.
Изоҳ (0)