Жиззахда юк машинаси, Lacetti ва микроавтобус иштирокидаги ЙТҲда 3 киши ҳалок бўлди.
Вилоят ЙҲХБ матбуот хизматининг хабар қилишича, 18 март куни Жиззах шаҳри “Нурлиобод” МФЙ ҳудудидан ўтувчи халқаро аҳамиятга эга бўлган Қўқон—Жиззах автомобиль йўлида ҳаракатланиб келаётган юк машинаси ўзи билан бир йўналишда олдиндан чапга бурилиш учун тўхтаб турган Lacetti ва ўз йўналишида ҳаракатланиб келаётган йўловчи ташувчи микроавтобусни уриб юборган.
Zo‘r TV телеканалида маълум қилинишича, ҳодиса оқибатида 1 нафар фуқаро воқеа жойида вафот этган. Жабрланган 15 нафар фуқаролар РШТЁИМ Жиззах филиалига олиб борилган. Уларнинг икки нафари кўрсатилган ёрдамларга қарамасдан шифохонада вафот этган.
Март ойида содир бўлган ЙТҲлар
Жиззахда 13 март куни рулда ухлаб қолган Matiz ҳайдовчиси юк машинасига урилиши оқибатида ҳалок бўлганди. 12 март куни Тошкентда дарахтга урилган Lacetti пачоқланиб кетди. 7 март куни Навоийда Damas ва Cobalt тўқнашиши оқибатида бир киши жароҳатланди. 17 март куни соат 06:30 ларда Тошкент—Бекобод автомобиль йўлида ҳаракатланиб кетаётган юк машинаси (дастлабки маълумотга кўра ҳайдовчиси ухлаб қолиши натижасида) қарама қарши йўналишга чиқиб кетиб, Isuzu автомобили билан тўқнашган. 4 март куни Тошкент вилоятида Lexus ҳайдовчиси катта тезликда келиб, йўл четида турган машина ва пиёдани уриб юборди.
Изоҳ (0)