“Ҳумо Арена”да 17 ноябрь, жума куни профессионал бокс оқшоми бўлиб ўтди. 
WBC ташкилоти ҳамда LIFT промоутерлик компанияси ҳамкорлиги ташкиллаштирилган бокс оқшомида супероғир вазн тоифаси вакили ўзбекистонлик Баҳодир Жалолов ЖАР вакили Крис Томпсонга қарши рингга кўтарилди.
10 раундга мўлжалланган жангнинг 1-раундидаёқ Баҳодир нокаут эвазига ғалаба қозонди.
Афсонавий боксчилар Майк Тайсон ва Эвандер Ҳолифилд иштирок этган бокс оқшомининг бошқа натижалари билан танишинг:
Асосий кард:
Ярим енгил вазнда (57,1 кг) 4 раундлик жанг: Абдумалик Ҳалоков (Ўзбекистон, 1-0-0) ўз дебют жангида Олександр Егоровни (Украина, 20-10-1) 2-раундда нокаутга учратди;
Ярим ўрта вазнда (66,6 кг) 8 раундлик жанг: Қудратилло Абдуқаҳҳоров (Ўзбекистон, 18-2-0) Маоно Алли (Танзания, 14-7-1) устидан 2-раундда нокаут эвазига ғалаба қозонди;
Энг енгил вазнда (53,5 кг) 8 раундлик жанг: Миразиз Мирзахалилов (Ўзбекистон, 3-0-0) Рунқи Жоуни (Хитой, 6-1-0) очколар эвазига мағлуб этди;
Ўрта вазнда (72,5 кг) WBC Central Asia турнири финали (8 раундлик): Анвар Туропов (Ўзбекистон, 8-1-0) Суҳроб Қаюмов (Ўзбекистон, 2-0-0) ўртасидаги жанг Қаюмовнинг ғалабаси билан якунланди;
Биринчи ўрта вазнда (69,8 кг) WBC International камари учун: Эрмал Ҳадрибей (АҚШ, 16-0-1) - Карлос Молина (Мексика, 38-13-2), 9-раундда Ҳадрибейнинг қўли баланд келди;
Биринчи ярим ўрта вазнда (63,5 кг) WBC Central Asia камари учун: Мужибилло Турсунов (Ўзбекистон, 3-0-0) Янгченг Жинга (Хитой, 12-6-2) ҳеч қандай имкон қолдирмади ва очколар ҳисобига ғалаба қозонди;
Ўрта вазнда (72,5 кг) WBC Элиминатор жанги (12 раундлик): Мейирим Нурсултанов (Қозоғистон, 19-0-0) Хулио Аламосни (Чили, 16-1-0) ҳакамлар қарорига кўра мағлуб этди;
Cо main event: Иккинчи ўта енгил вазнда (52,1 кг) WBC вақтинчалик чемпионлик камари учун (12 раундлик): Педро Гуэвара (Мексика, 40-3-1) Карлос Куадрасга (Мексика, 41-5-1) мағлуб бўлди.
Марказий жанг: Оғир вазнда 10 раундлик жанг: Баҳодир Жалолов (Ўзбекистон, 13-0-0) Крис Томпсонни (ЖАР, 12-5-1) 1-раунддаёқ нокаутга учратди.
Изоҳ (0)