Great Silk Way-2024 турнирининг дастлабки олтин ва кумуш медаллари нақд қилинди. Баҳодир Жалолов ва Саиджамшид Жаъфаровда — олтин!

Озарбайжоннинг Боку шаҳрида бокс бўйича Great Silk Way-2024 турнири ҳал қилувчи паллага келди. Бугун, 28 март куни ҳал қилувчи баҳслар старт олади. Баъзи вазн тоифаларида ўзбекистонлик боксчиларнинг қарама-қаршилигини кузатилиши керак эди. Бироқ, шундай баҳсларнинг иккитаси ўтказилмайдиган бўлди.

Шу тариқа -75 кгда Саиджамшид Жаъфаров - Жавоҳир Умматалиев ўртасидаги баҳсда, Саиджамшид Жаъфаров олтин медалга, Жавоҳир Умматалиев бўлса кумуш медалга эга чиқишди.
+92 кг вазнда эса Баҳодир Жалолов турнирни олтин медал билан, Жаҳонгир Зокиров бўлса кумуш билан якунлади. 

Қолган финал жуфтликлари билан танишинг:

-51 кг: Асилбек Жалилов - Маҳди Парвизи (Эрон) 15:10;

-54 кг: Ҳужаназар Нортожиев - Тимур Кабдешов (Қозоғистон) 15:20;

-57 кг: Ҳудойназар Файзов - Шамил Аскеров (Озарбайжон) 15:30;

-63,5 кг: Абдуллоҳ Маъдаминов - Тайфур Алиев (Озарбайжон) 15:50;

-71 кг: Бекзод Ҳамидов - Дарҳан Дуисебай (Қозоғистон) 16:10;

-80 кг: Раҳматилла Бойматов - Фазлиддин Эркинбоев 16:30.