Қирғизистонда Тошкент вақти билан 08:11 да содир бўлган зилзила Ўзбекистонда сезилди.
ФВВ Сейсмопрогностик мониторинг Республика марказининг хабар қилишича, ер силкиниши магнитудаси 4 балл, чуқурлиги 10 километр бўлган. Унинг кучи Андижон вилоятининг қуйидаги ҳудудларида сезилган:
- Хўжаобод туманида 2-3 балл;
- Жалақудуқ туманида 2 балл;
- Булоқбоши туманида 2 балл.
Шу куни соат 6:16 да эпицентри Тошкент вилоятида бўлган зилзила қайд этилганди. Унинг кучи Тошкент шаҳри ва вилоятининг қатор ҳудудларида 2-3 баллдан сезилди.
Ўзбекистонда сўнгги марта зилзила 2025 йил 25 январда қайд этилганди. Эпицентри Бухоро вилояти Жондор туманида бўлган ер силкиниши кучи Пешку ва Қоракўл туманида 2 баллдан сезилганди.
Изоҳ (0)