Ер сайёраси ядросининг хатти-ҳаракатлари сўнгги вақтларда олимларни хавотирга солмоқда. Тадқиқотчилар, ички ядронинг айланиш тезлиги ўзгараётганини аниқлади. Бу ҳақдаги тадқиқот Nature Geoscience журналида эълон қилинди.
Ядродаги ўзгаришлар такрорланувчи зилзилалардан ҳосил бўлган сейсмик тўлқинларни ўрганиш орқали аниқланган. Янги тадқиқотда олимлар ядронинг суюқ ва қаттиқ қисмлари ўртасида ғайриоддий ҳодисани кузатган.
Ер ядросининг асосий қисми суюқ, лекин унинг ичида геологик вақт ўтиши билан ўсиб борадиган қаттиқ қисми мавжуд. Ички ядро сайёрамизнинг магнит майдонини шакллантиришда муҳим рол ўйнайди. Ҳозирги кунда геологлар, такрорланувчи зилзила сейсмограммаларидаги ўзгаришларни муҳокама қилмоқда. Кўплаб маълумотлар ички ядронинг ўзгариши билан боғлиқ эканини кўрсатмоқда.
Сўнгги моделларга кўра, ички ядронинг айланиши тахминан 2010 йилда секинлашган ёки ҳатто айланиш йўналишини ўзгартирган. Тадқиқотчилар, ядронинг айланиши аввалги ҳолатига қайтган вақтни таҳлил қилиб, такрорланувчи зилзила маълумотларини ўрганган. Сейсмик тўлқинлардаги фарқларни айланиш тезлигидаги ўзгаришлар билан изоҳлаш имконсиз эди.
Шу пайтда Канададаги маълумотлар тўпламида аномалиялар кузатилди. Чунки, у ерда ички ядрони кесиб ўтмайдиган, балки фақат унга тегиб ўтадиган тўлқинлар қайд этилган. Тадқиқотчилар буни ички ядронинг шакли вақтинча ўзгаргани билан изоҳлашмоқда.
Изоҳ (0)