АҚШ президенти Дональд Трампнинг “қайтариб олиш” ҳақидаги иддаоларига қарши Панама каналида савдо йўлаги орқали суюлтирилган нефть газини (LPG) ўтказиш учун қувур линияси қурилиши режалаштирилмоқда. Савдо йўлида Японияга асосий потенциал мижоз сифатида қаралмоқда. Бу ҳақда Reuters хабар берди.
Панама канали дунёдаги энг гавжум денгиз савдо йўлларидан бири ҳисобланади. Панама президенти Хосе Рауль Мулино канал фаолиятини диверсификация қилиш устида ишламоқда. Ҳозирда қурғоқчилик сабабли каналдан ўтиш чекланган бўлиб, раҳбарият ечим сифатида яқин атрофда сув омбори қуриш режасини ишлаб чиқмоқда.
Биз кунига бир миллион баррелгача ҳаракатланиш имкониятига эга инфратузилмани ишга тушириш имкониятини ўрганмоқдамиз, аммо бозор анча катта. Панама орқали ўсиб бораётган ҳажмлар (газ) эҳтиёжларини қондириш энг устувор, шу билан бирга, энг мураккаб масаладир, деган канал маъмури Рикаурте Васкес Reuters агентлигига матбуот анжуманидан сўнг.
Дастлабки тадқиқотлар шуни кўрсатмоқдаки, “Панама канали орқали ўтказиш қобилияти ўн йил ичида кунига 2 миллион баррел (суюлтирилган газ)га етиши мумкин” , дея қўшимча қилган Васкес.
Панама президенти Хосе Рауль Мулино Трампнинг Панама каналини АҚШ тасарруфига ўтказиш ҳақидаги иддаоларига қарши чиқиб келмоқда. Шунга қарамай, АҚШ раҳбари ва амалдорлари яқинда BlackRock компанияси бошчилигида тузилган битимни маъқуллади. Бу битим Гонконг конгломерати CK Hutchison порт бизнесининг аксарият қисмини, шу жумладан, Панама канали яқинидаги активларини ҳам сотиб олишни назарда тутади.
Каналнинг келгуси ўн йил ичидаги инфратузилма ва барқарорлик лойиҳаларига 8 миллиард доллар сармоя киритиш мўлжалланган.
Изоҳ (0)