Инсоният тарихида қўллар ҳеч қачон ҳозиргичалик покиза бўлмаган. Ҳатто шифокорлар ҳам бугунги кунда ҳамма оддий одам каби қўлларини тез-тез ювмаган. Аммо суюқ совун ва дезинфекцияловчи воситалар терини жиддий оқибатларга олиб келади. Яхши намланган тери ўзининг иммунитетига эга. Қуриб бораётган терида эса бундай имконият бўлмайди, деб ёзади Harperъс Bazaar Kazakhstan.
Дерматит ва унинг белгилари
“Совун, ювиш воситалари ва спиртли гелдан такроран фойдаланиш тирнаш хусусиятини берувчи дерматитнинг асосий ва жуда кенг тарқалган сабабларидан биридир, — деб тушунтиради дерматолог Анжали Maxто. — Ушбу маҳсулотлар эпидермиснинг юқори қатламидаги оқсилларга зарар етказиши мумкин. Шунингдек, теридаги ёғларнинг ўзгаришига олиб келади, сув билан алоқа қилиш қобилиятини камайтиради.
Қўлни тез-тез ювиш тери қуришига олиб келиши мумкинми?
Ҳаддан ташқари кўп ювиш натижасида қўллар қизариб, қичишиши, қуриши ва ёрилиб кетиши мумкин. Тери устида кичик жароҳатлар пайдо бўлади. Бундан ташқари, агар қўл териси зарарланса, у инфекцияга қарши самарали курашолмайди. Шунинг учун сув ўйлагандан ҳам кўра муҳимроқ вазифани бажаради.
Нима учун қўл териси қурийди ва ёрилиб кетади?
Албатта, 20 сониялик қўл ювиш терига зарар етказиши мумкин. Лекин бу ягона сабаб эмас. Совуқ ҳавода намлик етишмаслиги туфайли терида салбий ўзгаришлар юз беради. Қўлларга ёшлик ва гўзалликни қайтариш учун дерматологлар тўрт босқичли режани таклиф қилади:
Қўл учун тунги ниқоб тайёрлаш
Уйқуга ётишдан олдин қўл креми суртилади. Хушбўй ҳидсиз маҳсулотни танлаш тавсия этилади. Сўнгра бир жуфт пахтали қўлқоп кийилади. Бу деярли қўл учун интенсив ниқоб вазифасини бажаради, ёрилган тери учун эса ажойиб ечим.
Хушбўй бўлмаган маҳсулотлардан фойдаланиш
Терини қўшимча тирнаш хусусиятидан ҳимоя қилиш учун кучли ҳидли маҳсулотлардан сақланиш лозим. Бу нафақат кремларга, балки ҳар қандай совун, гел ва шампунларга ҳам тегишли.
Очиқ ҳавода спорт билан шуғулланаётганда қўлқоп кийиш
Агар очиқ ҳавода машқ қилинса, қўлқоп кийиш тавсия этилади. Чунки совуқ ҳаво терини тезда қуритади. Қўл кремини тез-тез, айниқса, ташқарига чиқишдан олдин ишлатиш жуда муҳим. Глицерин ва гиалурон кислотасини ўз ичига олган маҳсулотлар қўл териси учун самарали.
Кўпроқ суюқлик ичиш
Ҳамма ҳам турли хил ичимлик ичади. Аммо бу терига фойда келтирмайди. Спиртли ёки газли ичимликларни мунтазам равишда ичиш тери қаришига олиб келади ва ҳеч қандай крем ёрдам бермайди. Шунинг учун мунтазам равишда оддий сув ичишни унутмаслик лозим.
Энг яхши натижаларга эришиш учун қуйидаги маслаҳатларга амал қилинг:
Тозалашда қўлқоплардан фойдаланинг. Кўпчилик идишларни қўлқопсиз ювади. Айниқса, кимёвий тозалаш воситаларидан фойдаланганда буни унутмаслик лозим. Ундан заҳарлар тери орқали организмга осонгина кириб боради. Яъни нафақат қўллар азобланади. Балки секин-аста бутун вужуд заҳарланади.
Мавзуга доир:
Изоҳ (0)