МДҲ давлатларида энг арзон жинсини Ўзбекистонда сотиб олиш мумкин, деб хабар бермоқда Ranking.
Numbeo маълумотларига кўра, жинсиларнинг арзонлиги бўйича Ўзбекистон дунё бўйича 98 та мамлакат ичида 21-ўринни, эркаклар чарм пойабзали бўйича — 72, кроссовкалар бўйича — 84, ёзги кўйлаклар бўйича — 75-ўринни эгаллади.
Қайд этилишича, дунёда энг арзон жинсилар Кенияда сотилади (15,2 доллар). Энг арзон эркаклар чарм пойабзаллари Непалда (31,1 доллар), энг арзон кроссовкалар ва ёзги либослар Бангладешда сотилади.
Швейцария аҳолиси жинсилар, эркаклар чарм пойабзали ва кроссовкаларни энг қиммат нархда сотиб олишига тўғри келади. Ёзги кийимлар эса кўпроқ Аргентинада қиммат нархларда сотилади.
МДҲ давлатлари орасида жинси Ўзбекистонда арзонроқ нархда сотилади (43,5 доллар). Эркаклар чарм пойабзали Озарбайжонда, кроссовка ва кўйлаклар Украинада нисбатан арзонроқ.
Қозоғистонда — жинсилар (73, 4 доллар), Молдовада — эркаклар чарм пойабзали (112,1 доллар), Озарбайжонда — кроссовка (113,7 доллар) ва кўйлаклар (54,7 доллар) нархи қимматроқ эканлиги маълум бўлди.
Кийим-кечаклар нархини таҳлил қилишда Levi’s каби ва шунга ўхшаш жинсилар, Nike каби компаниялар кроссовкалари, Zarа, H&М каби фирмалар ёзги кўйлаклари нархлари таққосланган.
Бундан аввал Ўзбекистон пишлоқнинг қимматлиги бўйича 99 та давлат орасида 79-ўринни эгаллагани ҳақида хабар берилган эди.
Изоҳ (0)