Австриянинг жанубидаги Филлах шаҳрининг марказий майдонида суриялик эркак пичоқ билан ўткинчиларга ҳужум қилди. Бу ҳақда BBC хабар берди.
Ҳужум оқибатида 14 ёшли ўсмир ҳалок бўлди ва яна беш киши жароҳат олди, улардан икки нафари оғир аҳволда. Жиноятчини қўлга олишда яқин атрофда бўлган суриялик курер муҳим рол ўйнади. У янги қурбонларнинг олдини олиш учун ҳужум қилган эркакни атайлаб машинасида уриб юборди.
Ҳужум қилган 23 ёшли шахс қўлга олинди. У Австрияга Суриядан келган ва сиёсий бошпана излаган. Унинг амалдаги яшаш рухсатномаси бўлган. Ҳужум сабаблари ҳақида ҳозирча ҳеч нарса маълум эмас. Терговга экстремизмга қарши курашиш бўйича полиция бўлинмаси жалб қилинган.
Ҳужум қўшни Германияда бошпана излаган афғонистонлик машинада оломонни босиб кетганидан икки кун ўтиб содир бўлди. 30 га яқин киши жароҳатланди, 15 февраль куни улардан икки нафари — аёл ва унинг икки ёшли қизи шифохонада вафот этди. Германияда ҳам, Австрияда ҳам иммиграция жамиятда ўта ўнг партияларга қизиқишни кучайтирадиган кескин мавзу ҳисобланади.
Изоҳ (0)