Германиянинг Золинген шаҳридаги фестивалда номаълум эркак пичоқ билан одамларга ҳужум қилди. Ҳужум оқибатида уч киши ҳалок бўлди, тўрт киши яраланди, деб хабар берди полиция.
Жиноятчи воқеа жойидан қочиб кетишга муваффақ бўлган.
Полиция вакили Герберт Роул журналистлар билан суҳбатда бу одамларга қаратилган ҳужум эканлигини айтди, аммо эҳтимолий сабабни муҳокама қилишдан бош тортди.
Ҳужум маҳаллий вақт билан тахминан 21:45 да Золингеннинг 650 йиллигига бағишланган фестивалда содир бўлган. Дастлабки маълумотларга кўра, номаълум эркак дуч келган одамга ташланиб, уни пичоқлашга уринган.
Zolinger Tagblatt нашрининг хабарига кўра, фестивал ташкилотчиларидан бири Филипп Мюллер қутқарувчилар тўққиз кишининг ҳаёти учун курашаётганини айтган.
Расмийлар одамларни шаҳар марказидан узоқроқ юришга чақирмоқда. Ҳозирда жиноят содир этган шахсни қидириш ва қўлга олиш ишлари давом этмоқда.
Изоҳ (0)