Қатар давлати “ПСЖ” клубига инвестицияларни тўхтатиши мумкин. Бу ҳақда RMC Sport хабар берди.
Бунга клуб президенти Носир Ал-Хелайфи овозларни сотиб олишда ҳамда овоз бериш эркинлигига тажовуз қилишда айбланаётгани сабаб бўлиши мумкин. Шунингдек, у Lagerdere компаниясига зарар етказиш мақсадида ваколатларини суиистеъмол қилишда ҳам гумон қилинмоқда.
Манбага кўра, Ал-Хелайфи ўз таъсиридан фойдаланиб, Қатар сармоя жамғармасини (клубнинг асосий акциядори) Lagerdere компаниясини бошқариш билан боғлиқ баҳсли ҳолатда қарорини ўзгартиришга мажбурлаган бўлиши мумкин.
Қатарликлар бу вазиятдан жуда норози ва агар айбловлар давом этса, Францияга, жумладан, “ПСЖ”га сармоя киритишни тўхтатиш билан таҳдид қилмоқда.
“Қатарликлар бундай муомаладан чарчаган. Уларни доим айблашади, судга беришади, танқид қилишади. Ҳар сафар ёрдам бермоқчи бўлишса, буни ъбосим ўтказишъ деб аташади. Ҳамманинг сабр косаси тўлди”, дейди ҳукуматга яқин манба.
Изоҳ (0)