Килиан Мбаппенинг онаси “ПСЖ” билан юзага келиши мумкин бўлган суд жараёни ҳақида гапирди.
Париж клуби апрель ойидан буён ҳужумчининг маоши ва бонусларини бермагани ҳақида, аввалроқ, хабар берилган эди. Қарз деярли 100 миллион еврони ташкил этади.
“Бу иш ҳали ҳам давом этмоқда. Ҳозир ҳаммаси Килиан вакилларининг қўлида, аммо мен “ПСЖ”га ишонаман ва ҳаммаси тезда нормал ҳолатга қайтишига умид қиламан. Яқинда жавоб хати олдик ва якуний қарорлар қабул қилинади”.
У, шунингдек, Килиан ва “ПСЖ” ўртасида суд жараёни бўлиб ўтиши мумкинми деган саволга жавоб берди.
“Агар бошқа танлов бўлмаса, ҳа, албатта. Умид қиламанки, биз икки йил аввал имзолаган шартнома шартлари ҳурмат қилинади.
Нима бўлганини ҳеч ким: на мен ёки “ПСЖ” айта олмайди, чунки сўнгги икки йил давомида Килиан ва президент (Носир Ал-Хелайфи) ҳар доим якка тартибда учрашган. Буларнинг барчаси февраль ойида Мбаппе кетишини эълон қилганидан кейин Килианнинг клубда ўйнашига тўсқинлик қилмади”, дея қўшимча қилди Фаиза Ламари.
Маълумот учун, 16 июль куни “Реал” футболчиси сифатида таништирилган Мбаппе 9-рақамда ўйнайди.
Изоҳ (0)