Швейцария прокуратураси ПСЖ президенти Носсир ал-Хелайфи учун 28 ойлик қамоқ жазоси сўрамоқда, дея хабар қилмоқда L’Equipe.
Ал-Хелайфи бу ишда beIN Media телевизион компаниясининг раҳбари сифатида жавобгарликка тортилмоқда. Прокуратура сўровига кўра, қамоқ жазосининг маълум муддати шартли бўлади.
Қатарлик функционер ФИФА собиқ бош котиби Жером Валк билан тил бириктирганликда айбланмоқда. Валк учун прокуратура 3 йиллик қамоқ жазоси сўрамоқда.
Аввалроқ Носсир Жаҳон Чемпионати трансляция ҳуқуқини сотишда коррупцияга йўл қўйганликда айбланган ФИФА собиқ бош котибига пора берганлиги айтилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)