Россиядаги туғилишлар сони 2000 йилдаги даражага яқинлашди. Ўшанда замонавий Россия тарихидаги энг паст кўрсаткичлардан бири қайд этилганди. Бу ҳақда мамлакат соғлиқни сақлаш вазирининг биринчи ўринбосари Виктор Фисенко маълум қилди.
Маълумотларга кўра, 2024 йилнинг январь ноябрь ойларида Россияда 1,124 миллион бола дунёга келган. Туғилиш бўйича салбий тенденция 2017 йилдан бери кузатилмоқда. Энг катта пасайиш Яҳудий мухтор вилояти, Қалмиғистон, Олтой республикаси, Камчатка ўлкаси ва Вологда вилоятида қайд этилган.
Бунда туғиш ёшидаги аёллар сонининг камайиши ва аҳолининг қариши билан боғлиқ вазият асосий сабаб ҳисобланади. 2027 йилдан кейин мамлакатда туғилиш кўрсаткичи ошиши кутилмоқда. “Росстат” маълумотларига кўра, 2020 йилда Россияда 1 435 800 нафарга яқин чақалоқ дунёга келган.
Россияда туғилиш кўрсаткичи пасайиб кетди
2023 йил Россия президенти Владимир Путин мамлакат бошдан кечираётган “энг қийин демографик муаммолар” ҳақида гапирганди. У кўп болали оилалар анъанасини қайта тиклаш зарурлигини айтганди. Путин бир неча авлод олдин рус оилаларида етти-саккиз, ҳатто ундан ҳам кўпроқ фарзанд бўлганини эслаган.
Келинг, бу ажойиб анъаналарни қайта тиклайлик. Кўп болали ва катта оилалар Россиянинг барча халқлари учун одатий ҳолга, турмуш тарзига айланиши керак, деган у.
Изоҳ (0)