Rossiyadagi tug‘ilishlar soni 2000-yildagi darajaga yaqinlashdi. O‘shanda zamonaviy Rossiya tarixidagi eng past ko‘rsatkichlardan biri qayd etilgandi. Bu haqda mamlakat sog‘liqni saqlash vazirining birinchi o‘rinbosari Viktor Fisenko ma’lum qildi.
Ma’lumotlarga ko‘ra, 2024-yilning yanvar-noyabr oylarida Rossiyada 1,124 million bola dunyoga kelgan. Tug‘ilish bo‘yicha salbiy tendensiya 2017-yildan beri kuzatilmoqda. Eng katta pasayish Yahudiy muxtor viloyati, Qalmig‘iston, Oltoy respublikasi, Kamchatka o‘lkasi va Vologda viloyatida qayd etilgan.
Bunda tug‘ish yoshidagi ayollar sonining kamayishi va aholining qarishi bilan bog‘liq vaziyat asosiy sabab hisoblanadi. 2027-yildan keyin mamlakatda tug‘ilish ko‘rsatkichi oshishi kutilmoqda. “Rosstat” ma’lumotlariga ko‘ra, 2020-yilda Rossiyada 1 435 800 nafarga yaqin chaqaloq dunyoga kelgan.
Rossiyada tug‘ilish ko‘rsatkichi pasayib ketdi
2023-yil Rossiya prezidenti Vladimir Putin mamlakat boshdan kechirayotgan “eng qiyin demografik muammolar” haqida gapirgandi. U ko‘p bolali oilalar an’anasini qayta tiklash zarurligini aytgandi. Putin bir necha avlod oldin rus oilalarida yetti-sakkiz, hatto undan ham ko‘proq farzand bo‘lganini eslagan.
Keling, bu ajoyib an’analarni qayta tiklaylik. Ko‘p bolali va katta oilalar Rossiyaning barcha xalqlari uchun odatiy holga, turmush tarziga aylanishi kerak, degan u.
Izoh (0)