АҚШда 19 ёшга тўлмаган шахслар учун жинсни ўзгартириш операцияси тақиқланди. Тегишли фармон президент Дональд Трамп томонидан имзоланди. Бу ҳақда Оқ уй матбуот хизмати хабар берди.
Трампнинг фикрича, тиббиёт ходимлари мамлакат бўйлаб “болаларни жинсини ўзгартириш мақсадида тиббий аралашувлар билан уларни жароҳатлаяпти”. Улар бу орқали катталарнинг радикал фикрларини қўллаб-қувватламоқда.
“Ушбу хавфли тенденция мамлакатимиз тарихида доғ бўлади ва унга чек қўйиш зарур”, дейилади фармон матнида.
АҚШ бундан буён боланинг бир жинсдан бошқасига “ўтишини” молиялаштирмайди, ҳомийлик қилмайди, тарғиб қилмайди, ёрдам бермайди ёки қўллаб-қувватламайди. Фармонга кўра, блокаторлар, жинсий гормонлар, ташқи кўринишни жинсидан фарқ қиладиган ўзига хосликка мослаштириш учун инсон ташқи кўринишини ўзгартириш бўйича жарроҳлик амалиётларини тақиқлаш киритилмоқда.
Трамп администрацияси даврида ҳукумат фақат икки жинсни: эркак ва аёл жинсини тан олиш бўйича расмий сиёсат олиб боришини айтганди. Президент трансгендерларнинг қуролли кучларда хизмат қилишини ҳам тақиқлади. Улар 2016 йилда ўша пайтдаги президент Барак Обама даврида Америка армиясида хизмат қилиш ҳуқуқини олганди.
Изоҳ (0)