AQSHda 19 yoshga to‘lmagan shaxslar uchun jinsni o‘zgartirish operatsiyasi taqiqlandi. Tegishli farmon prezident Donald Tramp tomonidan imzolandi. Bu haqda Oq uy matbuot xizmati xabar berdi.
Trampning fikricha, tibbiyot xodimlari mamlakat bo’ylab “bolalarni jinsini o‘zgartirish maqsadida tibbiy aralashuvlar bilan ularni jarohatlayapti”. Ular bu orqali kattalarning radikal fikrlarini qo‘llab-quvvatlamoqda.
“Ushbu xavfli tendensiya mamlakatimiz tarixida dog‘ bo‘ladi va unga chek qo‘yish zarur”, deyiladi farmon matnida.
AQSH bundan buyon bolaning bir jinsdan boshqasiga “o‘tishini” moliyalashtirmaydi, homiylik qilmaydi, targ‘ib qilmaydi, yordam bermaydi yoki qo‘llab-quvvatlamaydi. Farmonga ko‘ra, blokatorlar, jinsiy gormonlar, tashqi ko‘rinishni jinsidan farq qiladigan o‘ziga xoslikka moslashtirish uchun inson tashqi ko‘rinishini o‘zgartirish bo‘yicha jarrohlik amaliyotlarini taqiqlash kiritilmoqda.
Tramp administratsiyasi davrida hukumat faqat ikki jinsni: erkak va ayol jinsini tan olish bo‘yicha rasmiy siyosat olib borishini aytgandi. Prezident transgenderlarning qurolli kuchlarda xizmat qilishini ham taqiqladi. Ular 2016-yilda o‘sha paytdagi prezident Barak Obama davrida Amerika armiyasida xizmat qilish huquqini olgandi.
Izoh (0)