Madridning “Real” klubi himoyachisi va sardori Dani Karvaxal hujumchi Kilian Mbappe haqida fikr bildirdi.
“Mbappe ajoyib tarzda moslashdi. U juda ko‘p gol urmoqda. U dunyoning eng yaxshi futbolchisimi yoki yo‘q, buni mavsum oxirida bilib olamiz, chunki jamoaviy muvaffaqiyat katta ahamiyatga ega. Bu — muhim jihat. U eng yaxshi uch futbolchidan biri. Mbappe kiyinish xonasida yetakchi. Kilian — ajoyib inson”, deya Karvaxalning so‘zlarini keltirdi AS nashri.
Joriy mavsumda Mbappe barcha musobaqalarda 31 ta o‘yinda maydonga tushib, 21 ta gol va 3 ta golli uzatmani amalga oshirdi. Futbolchining klub bilan amaldagi shartnomasi 2029-yilning yoziga qadar davom etadi. Transfermarkt internet portaliga ko‘ra, uning taxminiy narxi 160 million yevroni tashkil qiladi.
Izoh (0)