ЎФА тегишли қўмитаси мазкур уч клубга нисбатан белгиланган трансфер тақиқини шартли равишда бекор қилди. Бу ҳақда ПФЛ матбуот хизмати хабар берди.
Ташкилот бунга сабаб сифатида Сўғдиёна, Динамо ва Арал трансфер тақиқи сабабларини бартараф этиш юзасидан Ассосиацияга кафолат бергани қайд этилган.
Аввалроқ Бухоро Ассоциация талабини тўлиқ бажаргани учун ундан трансфер тақиқи олиб ташланганди.
Маълумот учун, 26 декабрь куни Ўзбекистон футбол ассоциацияси ҳамда Футболчилар мақоми ва ўтиши қўмитаси қарорлари талабига беписанд муносабатда бўлиб келаётгани, ўз футболчи ва мураббийлари олдидаги қарздорликни белгиланган муддатда бартараф этмагани, шунингдек, футбол клублари ҳамда ҳудудий футбол академиялари ўртасида тузилган ҳамкорлик шартномаларида мавжуд шартларни бажармай келаётгани сабабли 6 та клубга нисбатан трансфер тақиқи белгилаган эди. Улар орасида юқорида келтирилган 4 клубдан ташқари, “Навбаҳор”, “Нефтчи” клублари ҳам бор.
Изоҳ (0)