“Сўғдиёна”, “Навбаҳор”, “Нефтчи”, “Динамо”, “Бухоро”, “Арал” клубларига нисбатан трансфер тақиқи қўйилди. Бу ҳақда ЎзПФЛ матбуот хизмати хабар берди.
Маълум қилинишича, бунга ЎФА ва Футболчилар мақоми ва ўтиши қўмитаси қарорлари талабига беписанд муносабатда бўлиб келаётгани, ўз футболчи ва мураббийлари олдидаги қарздорликни белгиланган муддатда бартараф этмагани, футбол клублари ҳамда ҳудудий футбол академиялари ўртасида тузилган ҳамкорлик шартномаларида мавжуд шартларни бажармай келаётгани сабаб бўлган.
Аввалроқ ЎФА 7 та клубга мавжуд муаммони ҳал этиш учун муддат берган ва улар орасидан фақатгина “Қизилқум” Ассосиация талабини ўз вақтида бажарганди. Қолган олти клуб эса трансфер тақиқига дуч келди.
Қўмита қарорига кўра, улар кейинги икки рўйхатдан ўтказишнинг тўлиқ даврларида миллий ҳамда халқаро миқёсда янги футболчиларни Лига рўйхатидан ўтказа олмайди.
Изоҳ (0)