«Ўзбекистонга келиши мумкин»: АҚШ санкциялари Россия компанияларига қандай таъсир қилади?

АҚШ Молия вазирлиги Россиянинг бир неча компанияларига қарши санкцияларни эълон қилди.

• санкциялар Россиянинг «Сбер» ва «ВТБ» йирик банкларига қўлланди. Америка банклари 26 мартгача «Сбербанк» ва унинг филиалларидаги вакиллик ҳисобварағини ёпиши керак бўлади ва худди шу санадан бошлаб «Сбербанк» иштирокидаги транзакцияларни амалга оширмайди. «ВТБ» блокловчи санкцияларга учради ва АҚШдаги активлари музлатилади;
• блокловчи санкциялар, шунингдек, «Открития», «Новикомбанк» ва шу кунларда «Ўзагроэкспортбанк»ни сотиб олган «Совкомбанк»га ҳам тегишлидир;
• бир неча давлат ва нодавлат компаниялар ва банклар учун сармоя жалб қилиш имконияти чекланди. Уларнинг орасида «Газпромбанк», «Росселхозбанк», «Газпром», Газпромнефть», «Транснефть», «Ростелеком», «Русгидро», «Алроса», «Совкомфлот», «РЖД», «Алфа банк», «Москва кредит банки» жой эгаллаган.

Шунингдек, АҚШ Россиянинг мудофаа, аэрокосмик ва денгиз соҳаларига экспорт назоратини ўрнатмоқда. Мазкур чора-тадбирлар компьютерлар, яримўтказгичлар, ахборот хавфсизлиги ускуналари, лазерлар, сенсорлар ва бошқа технологияларга ўз таъсирини ўтказади. 

Буларнинг Ўзбекистонга нима алоқаси бор?

Tickmill халқаро брокерлик гуруҳи мутахассиси Арман Бейсембаевнинг фикрига кўра, Россия иқтисодиёти санкциялар остида яшашга кўникиб қолган, унинг имкониятлари чекланиб қолгани йўқ, балки у Қозоғистонга ўз таъсирини кучайтиришни кўзда тутган. 

Шу билан бирга, «Евросиё олами» жамоат фонди президенти Эдуард Полетаев, бугунги кунда россиялик тадбиркорлар Ўзбекистон бозорига кўпроқ қизиқиш билдирашаётганини айтади. Улар Европа бозорлари ёпилгандан кейин айнан шу ерда йўл олишади, деб ҳисоблайди мутахассис.

Россия Ўзбекистонда хорижий капитал иштирокидаги компаниялар сони бўйича биринчи ўринни эгаллайди. 1 февраль ҳолатига кўра, уларнинг сони 2313 тани ташкил қилган эди.

2017 йили валюта либераллашуви амалга оширилганидан сўнг, Ўзбекистон хорижликлар учун жозибадор бозорга айланди.  Шу йиллар давомида Россиянинг бир неча йирик иштирокчилари бозорга кириб келди, улар орасида:

• Yandex Go;
• Fix Price;
• «Грузофчикофф»;
• «Добротсен»;
• inDriver;
• «Мегафон» и USM Telecom;
• «Этажи»;
• Selectel;
• 2GIS;
• Black Star Burger;
• «Амедиатека»;
• ivi ва бошқалар мавжуд.

Яқин кунларда, Ўзбекистонда нафақат Россиянинг, балки бутун Европанинг энг йирик онлайн ритейлерларидан бири бўлмиш Wildberries компанияси ўз ишини бошлагани ҳақида хабар берилганди.

Туркия билан ўхшаш вазият

Аввалроқ Ўзбекитонда турк капитали иштирокидаги компаниялар сони кескин ортгани ҳақида хабар берилган эди.

Турк тадбиркорлари Ўзбекистонда 407 та компанияга асос солди, натижада Туркия 2021 йили Россия ва Хитойни ортда қолдирди ва биринчиликни эгаллади. 

Ўсиш жараёни 2022 йилда ҳам давом этди – январь ойида турк тадбиркорлари иштирокида 31 та компания очилиб, бу энг юқори кўрсаткич бўлди (Россияда –23 та, Хитойда – 12 та).

Мазкур ҳолат, сўнгги йилларда турк иқтисодиёти мураккаб вазиятни бошдан кечираётгани ва буни бошқа бозорларга чиқиш орқали бартараф этмоқчи экани билан изоҳланади.