Нуруллан Эрлепесов Қорақалпоғистон Республикаси иқтисодиёт ва молия вазири этиб тайинланди. Бу ҳақда Қорақалпоғистон Вазирлар Кенгаши матбуот хизмати хабар берди.
Маълум қилинишича, Қорақалпоғистон Жўқорғи Кенгесининг иккинчи сессиясида Вазирлар Кенгаши раисининг молия-иқтисодиёт ва камбағалликни қисқартириш масалалари бўйича биринчи ўринбосари - иқтисодиёт ва молия вазири лавозимига Нуруллан Эрлепесов тайинланган.
Шу муносабат билан вазирлик биносида тайинловга бағишланган йиғилиш бўлиб ўтди.
Унда Қорақалпоғистон Жўқорғи Кенгесининг Бюджет, иқтисодий ислоҳотлар, инвестисиялар ва инновация масалалари қўмитаси раиси Бердибек Сейтназаров сўзга чиқиб, янги вазирни таништирди.
Эрлепесов бунгача Қорақалпоғистон Монополиядан чиқариш ҳамда рақобатни ривожлантириш давлат қўмитаси раиси, Вазирлар Кенгаши раиснинг иқтисодий-ижтимоий ривожлантириш масалалари бўйича ўринбосари, Ўзбекистон Иқтисодиёт ва саноат вазирлиги Машинасозлик ҳамда электротехника саноатини ривожлантириш бошқармаси бошлиғи каби лавозимларда ишлаб келган.
Изоҳ (0)