Ҳарорат пасайиши, ёмғир, қор: “Ўзгидромет” ҳафталик прогнозини эълон қилди

“Ўзгидромет” иш ҳафтаси давомида кутилаётган об-ҳаво ҳақида маълумот берди.

6 январь кундузи Ўзбекистоннинг барча ҳудуди бўйича ёғингарчиликсиз об-ҳаво бўлиши кутилмоқда, фақат Қорақалпоғистон Республикасида кечга томон баъзи жойларда ёғингарчилик бўлиши мумкин. Ҳарорат кечаси 5-10 даража илиқ, баъзи жойларда 12-14 даража илиққача, шимолда 3-8 даража илиқ бўлади.

7 январда Ўзбекистон ҳудудига Каспий денгизи ҳудудларидан нам ва совуқ ҳаво кириб келиши бошланади. Бухоро, Навоий вилоятларида ва куннинг иккинчи ярмида Тошкент, Самарқанд, Жиззах, Сирдарё вилоятларида баъзи жойларда ёғингарчилик (ёмғир, қор) бўлади. Қорақалпоғистон Республикасида айрим жойларда кечаси ва эрталаб ёғингарчилик (ёмғир, қор) бўлади. Республиканинг қолган ҳудудларида ёғингарчиликсиз об-ҳаво сақланиб туради.

8 январда кечаси ва эрталаб фақат Тошкент, Самарқанд, Жиззах, Сирдарё вилоятларида ва Фарғона водийси вилоятларида асосан қор кўринишидаги ёғингарчилик сақланиб туради.

8 январда кундуз куни ва 9—10 январда Ўзбекистоннинг барча ҳудуди бўйича ёғингарчиликсиз об-ҳаво бўлиши кутилмоқда. Республиканинг айрим жойларига кечаси ва эрталаб туман тушиши мумкин.

8—10 январь кунлари ҳаво ҳарорати кечалари 2-5 даража илиқдан 3-6 даража совуққача пасаяди, кундуз кунлари 5-8 даража илиқдан 0-3 даража совуққача ўзгариб туриши кутилмоқда.

Шамол 7-12 метр/секунд тезликда эсади, 7 январда баъзи жойларда 13-18 метр/секундгача кучаяди, айрим жойларда баъзида 20-23 метр/секундгача кучайиши мумкин.

Республиканинг тоғли ҳудудларида 6—8 январь кунлари вақти-вақти билан қор ёғади, 7—8 январда баъзи жойларда кучли бўлади.

Тошкентда 6—10 январь кунлари асосан ёғингарчиликсиз об-ҳаво кузатилади, фақат 7 январда кечқурун ва 8 январга ўтар кечаси ёмғир ва қор кўринишидаги ёғингарчилик бўлади. Кечаси ва эрталаб баъзи жойларга туман тушади.

Ҳаво ҳарорати 6 январда кундузи 8-10 даража илиқ, 7 январда кечаси 1-3 даража илиқ, кундузи 6-8 даража илиқ, 8 январда кечаси ва кундузи 1 даража совуқ-1 даража илиқ, 9 январда кечаси 3-5 даража совуқ, кундузи 2-4 даража илиқ, 10 январда кечаси 3-5 даража совуқ, кундузи 5-7 даража илиқ бўлади.