Nurullan Erlepesov Qoraqalpog‘iston Respublikasi iqtisodiyot va moliya vaziri etib tayinlandi. Bu haqda Qoraqalpog‘iston Vazirlar Kengashi matbuot xizmati xabar berdi.
Ma’lum qilinishicha, Qoraqalpog‘iston Jo‘qorg‘i Kengesining ikkinchi sessiyasida Vazirlar Kengashi raisining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari - iqtisodiyot va moliya vaziri lavozimiga Nurullan Erlepesov tayinlangan.
Shu munosabat bilan vazirlik binosida tayinlovga bag‘ishlangan yig‘ilish bo‘lib o‘tdi.
Unda Qoraqalpog‘iston Jo‘qorg‘i Kengesining Byudjet, iqtisodiy islohotlar, investisiyalar va innovatsiya masalalari qo‘mitasi raisi Berdibek Seytnazarov so‘zga chiqib, yangi vazirni tanishtirdi.
Erlepesov bungacha Qoraqalpog‘iston Monopoliyadan chiqarish hamda raqobatni rivojlantirish davlat qo‘mitasi raisi, Vazirlar Kengashi raisning iqtisodiy-ijtimoiy rivojlantirish masalalari bo‘yicha o‘rinbosari, O‘zbekiston Iqtisodiyot va sanoat vazirligi Mashinasozlik hamda elektrotexnika sanoatini rivojlantirish boshqarmasi boshlig‘i kabi lavozimlarda ishlab kelgan.
Izoh (0)