Saudiya Arabistonining Ar-Riyod shahrida 21-dekabr kuni professional boks oqshomi tashkil etiladi.
Turnirning ikkinchi asosiy jangida super yarim o‘rta vazn toifasida o‘zbekistonlik sobiq jahon chempioni Isroil Madrimov Ukraina vakili Sergey Bogachukka qarshi ringga chiqishi kerak edi.
Biroq Saudiya Arabistoni ko‘ngilochar boshqarmasi rahbari Turki al ash-Shayxning X (sobiq Twitter) ijtimoiy tarmog‘ida maʼlum qilishicha, Madrimov o‘tkir bronxit tufayli mazkur jangda ishtirok eta olmaydi.
Uning o‘rnini 21-dekabr kuni angliyalik Ishmael Devis egallaydi.
Avvalroq Madrimov asosiy e’tibor aynan Bogachukka qarshi jangga qaratilganini qayd etgan edi.
Isroil endi 2025-yilning 22-fevral kuni Verjil Ortis bilan jang qiladi.
Maʼlumot uchun, 29 yoshli Isroil Madrimov hozirga qadar 12 ta jang o‘tkazib, 10 ta g‘alaba, 1 ta mag‘lubiyat va 1 ta durang qayd etgan. 26 yoshli Verjil Ortis Junior hisobida esa 22 ta g‘alaba bor. U so‘nggi jangida Madrimovning bo‘lajak raqibi Bogachukni ochkolar hisobiga ko‘ra taslim etgandi.
Izoh (0)