Super yarim o‘rta vazn toifasida ukrainalik bokschi Sergey Bogachuk sobiq jahon chempioni Isroil Madrimov (10-1-1, 7 KO) va WBC Interim chempioni Virjil Ortis (22-0, 21 KO) o‘rtasidagi jang haqida gapirdi.
— Sizningcha, Madrimov Kroufordni mag‘lub etganmidi?
— Ha. Madrimov faolroq, aqlliroq edi va u jangda g‘alaba qozongandi. Bu mening fikrim.
— Isroil Ortisni mag‘lub eta oladimi?
— O‘ylaymanki, jang 12 raund davom etadi va unda Madrimov g‘alaba qozonadi. Men kelajakda Isroil Madrimov bilan uchrashishga tayyorman, dedi ukrainalik bokschi.
Ma’lumot uchun, Isroil Madrimovning Verjil Ortisga qarshi jangi 2025-yilning 22-fevral kuni Saudiya Arabistoni poytaxti Ar-Riyod shahrida bo‘lib o‘tadi. Ushbu oqshomning markaziy jangida ikki rus bokschilari Artur Beterbiyev va Dmitriy Bivol revansh maqomidagi bahsda to‘qnash keladi.
Isroil Madrimov va Bogachuk o‘rtasidagi jang 21-dekabr kuni o‘tkazilishi kerak edi. Ushbu jang o‘zbekistonlik bokschining jarohati sabab bekor qilindi. Uning o‘rniga angliyalik Ishmael Devis tanlangandi.
Tayson—Usik revansh jang kechasida Bogachuk angliyalik raqibini 6-raundda texnik nokautga uchratdi.
Izoh (0)