Фарзанд неъматидан бахтиёр Марям, «Туркиянинг энг гўзал актрисаси» муҳокама марказида. Турк киноси янгиликлари

Турк матбуоти юлдузлар фаолиятини назардан четда қолдирмайди. Бу орқали барчага қизиқ бўлган янгиликлардан осонгина хабардор бўлиш мумкин.

Марям Узерли «Ҳуррият» газетасига берган интервьюсида, болаларни ёлғиз тарбиялашдаги муаммолар ҳақида шундай деди: «Ҳар кимнинг ўз ҳаёти бор. Мен ўз ҳаётим ҳақида гапираман. Ҳамиша нима бўлишига қарамай, Аллоҳ ёнимда эканлигини сезаман. Фарзанд – энг олий неъмат, уни дунёга келтириш мўъжизанинг ўзи. Биров бировнинг ҳаётини муҳокама қилишга ҳаққи йўқ, бу гуноҳ иш. Муҳаббат, ишонч ва кучнинг ўзи етарли. Миннатдорлик мени шу қадар кучли қиладики, бошқа овозлар ва фикрлар мени синдира олмайди. Агар ўзингиз мўъжиза бўлишини истасангиз, унда ҳаёт сиз учун кўплаб эшикларни очади».

Киванч Татлитуғ ҳарбий транспорт воситасига ўхшаш трейлер эгасига айланди. Уйнинг томида кучли қуёш панеллари ўрнатилган бўлиб, унинг ичида дам олиш ва кундалик ҳаёт учун зарур бўлган барча нарсалар мавжуд. Трейлернинг нархи 750 минг турк лираси ( 98 159 доллар)ни ташкил этади. У рафиқаси Башак Дизер билан таътилга чиқишдан аввал юк машиналарини бошқариш учун C тоифали ҳайдовчилик гувоҳномасини олиши керак.

Синем Кобал ва Кенан Имирзалиўғли тез орада фарзандли бўлади. Синем ҳомиладорликнинг бахтли онларини сақлаб қолиш учун ўз уйининг боғида кичик фотосессия ташкил этишга қарор қилди.

ОАВ «Туркиянинг энг гўзал актрисаси» Ханде Эрчел ҳақида янгилик чиқаришга ҳаракат қилди, аммо бу амалга ошмади. Актрисани уй ҳайвони билан Нишанташи туманида кўришди. Хариддан сўнг актриса машинасига ўтирган, ниқоб таққан Ханденинг шляпаси ва устидаги либоси муҳокамага сабаб бўлган.

Ханде Эрчел ва Мурат Далкилич ўзаро танишларнинг тўйига таклиф қилинди. Журналистлар Далкилич саҳнада қўшиқ куйлаётганида Ханденинг бефарқ нигоҳига эътибор қаратди.

Никоҳ маросими якунидан сўнг актриса журналистларнинг саволларига жавоб берди: «Бир-биримиз билан хафагарчилик йўқ. Бизни тез-тез бирга учратишингиз мумкин, сабаби умумий танишларимиз кўп». Журналистларнинг фикрига кўра, жуфтлик Ханденинг Мурат Далкиличнинг фарзанд мавзусига рад жавоби туфайли ажрашган.

Ўзжан Дениз ва Ирем Хелважиўғли суратга олиш гуруҳи билан биргаликда «Мен сени узоқ кутдим» сериалининг сценарийси устида иш бошлади

Берен Саат ва Кенан Догулунинг янги сурати.

Биран Дамла Йилмаз ва Илкер Калели қисқа муносабатдан сўнг ажралди. Актриса ажралиш ҳақидаги хабарни қуйидагича изоҳлади: «Бизнинг қарашларимиз турлича эди». Шунингдек, жуфтликнинг айрилиғига иккисининг ҳам бир-бирига вақт ажратмаганлиги сабаб бўлган.

Кадир Догулу тез орада янги «Қуёш тутилиши» лойиҳаси билан экранга қайтади, у фильмда бош ролни ижро этади.

Сўнгги кунларда Фаҳрие Эвженнинг онаси Хатима ижтимоий тармоқларнинг бош мавзусига айланган. Актрисанинг мухлислари у гўзаллигини онасидан олган, деган фикрда.

Шунингдек, Неслиҳан Атагулнинг онаси ҳам эътибордан четда қолмаган.