Лондоннинг “Челси” клуби украиналик ҳужумчи Михаил Мудрик бўйича 2025 йил январь ойидаги трансфер ойнаси учун режалари ҳақида қарор қабул қилди.
Британиялик журналист Бен Жейкобнинг сўзларига кўра, клуб Михаил Мудрикни январь ойида ижарага бериш ёки сотиш вариантини кўриб чиқмаяпти. Унинг мавсум ўртасида “Челси”ни тарк этиши эҳтимолдан йироқ. Клуб Мудрикни қўллаб-қувватлашда давом этмоқда ва унинг трансфери учун ҳеч қандай вариант қидирмаяпти.
Мудрикга “Вест Ҳэм”, “Астон Вилла” ва “Марсель” клублари қизиқиш билдираётган эди.
Жорий мавсумда Мудрик “Челси” сафида барча турнирларда 16 та ўйин ўтказиб, 3 та гол ва 4 та голли узатмани амалга оширди. Михаил 2023 йилнинг январида Лондон клубига қўшилган эди.
Изоҳ (0)