Футбол бўйича Англия Премьер Лигасининг қолдирилган 29-туридан ўрин олган “Арсенал” ва “Челси” жамоалари ўртасидаги учрашув 23 апрель санасида бўлиб ўтди.
Учрашувнинг 4-дақиқасидаёқ ҳисоб очилди. “Канонирлар” футболчиси Троссард ўз ҳисобига гол ёздириб қўйди. Биринчи бўлим мезбонларнинг кичик устунлигида якунланди.
Иккинчи бўлимда ҳам “Арсенал” кетма-кет ҳужумлар уюштира бошлади. 52-дақиқада Бен Уайт ҳисобни ишончли кўринишга олиб келди. Орадан 5 дақиқа ўтиб, Кай Ҳаверц собиқ жамоаси дарвозасини ишғол этди. 65-дақиқада Ҳаверц дублни расмийлаштирди. 70-дақиқада Уайт ҳам ўз номига иккинчи голни ёздириб қўйди.
Қолган дақиқаларда дарвозалар дахлсиз қолди ва “Арсенал” дербида 5:0 ҳисобидаги ғалабани расмийлаштирди.
“Арсенал” ушбу ғалабадан сўнг очколари сонини 77 тага етказди ва мусобақа жадвалида етакчига айланиб олди. “Челси” эса 47 очко билан 9-поғонани банд этган.
АПЛ
29-тур баҳси
23 апрель, сешанба
“Арсенал” – “Челси” 5:0
Голлар: 1:0 – 4 Троссард, 2:0 – 52 Уайт, 3:0 – 57 Ҳаверц, 4:0 – 65 Ҳаверц, 5:0 – 70 Уайт.
“Арсенал”: Райя, Уайт, Габриэль, Салиба, Томиясу (Зинченко, 72), Парти (Жоржиньо, 72), Эдегор, Райс, Ҳаверц (Габриэль Жезус, 72), Троссард (Мартинелли, 72), Сака (Фабиу Виэйра, 82).
“Челси”: Петрович, Гилкрист (Тиаго Сильва, 78), Дисаси, Бадяшил, Кукуреля, Галлаҳер, Мудрик (Стерлинг, 66), Фернандес (Чалоба, 67), Кайседо, Мадуэке (Казадеи, 79), Жексон.
Огоҳлантиришлар: Гилкрист (42), Кукуреля (43), Троссард (45), Артета (45+1), Уайт (76).
Изоҳ (0)