Футбол бўйича Англия Премьер Лигасининг 24-туридан ўрин олган қатор ўйинлар 18 февраль, шанба куни бўлиб ўтди.
“Арсенал” сафарда “Астон Вилла”га қарши баҳс олиб борди. Учрашувнинг 5-дақиқаси Олле Уоткинс ҳисобни очди. 16-дақиқада Букайо Сака мувозанатни тиклади. 31-дақиқада Филиппе Коутиньо мезбонларни ҳисобда олдинга олиб чиқди.
Иккинчи бўлимда лондонликлар фаолроқ ҳаракат қилди. 61-дақиқада Олександр Зинченко ҳисобни тенглаштирди. 90+3-дақиқада Жоржиньонинг узоқ масофадан зарбаси дарвозага аниқ борди ва дарвозабон Эмилиано Мартинезга тегиб, голга айланди. Сўнгги сонияларда Габриэль Мартинелли ҳисобни ишончли кўринишга олиб келди.
“Манчестер Сити” “Ноттингем Форест”га қарши майдонга тушди ва 1:1 ҳисобида дуранг ўйнади. “Ноттингем” сафида Крис Вуд гол урган бўлса, “шаҳарликлар” сафида Бернарду Сильва ўз ҳисобига гол ёздириб қўйди.
“Челси” ўз майдонида “Саутҳэмптон”ни қабул қилди ва 0:1 ҳисобида мағлуб бўлди. Учрашувдаги ягона гол Жеймс Уорд-Проуз ҳисобига ёзилди.
“Арсенал” 54 очко билан мусобақа пешқадамига айланган бўлса, “Манчестер Сити” 52 очко билан 2-поғонани банд этди. “Челси” эса 31 очко билан 10-ўриндан жой олди.
АПЛ
24-тур баҳслари
18 февраль, шанба
“Астон Вилла” — “Арсенал” 2:4
Голлар: 1:0 – 5 Уоткинс, 1:1 – 16 Сака, 2:1 – 31 Коутиньо, 2:2 – 61 Зинченко, 2:3 – 90+3 Мартинес (автогол), 2:4 – 90+8 Мартинелли.
“Астон Вилла”: Мартинес, Кеш, Мингз, Конса, Морено (Дин, 78), Макгинн, Коутиньо (Ремзи, 62), Камара, Дуглас Луис (Дендонкер, 67), Буэндиа (Бэйли, 67), Уоткинс (Дуран, 78).
“Арсенал”: Рэмсдейл, Уайт (Томиясу, 79), Габриэль, Салиба, Зинченко (Тирни, 90), Жака (Фабиу Виэйра, 79), Жоржиньо, Эдегор (Холдинг, 90), Сака, Троссард (Мартинелли, 68), Нкетиа.
Огоҳлантиришлар: Сака (45), Дуглас Луис (45), Мартинес (84).
“Ноттингем Форест” — “Манчестер Сити” 1:1
Голлар: 0:1 – 41 Бернарду Сильва, 1:1 – 84 Вуд.
“Ноттингем Форест”: Навас, Оре (Вуд, 79), Фелипе, Уоррелл, Лоди (Тоффоло, 79), Колбек (Уильямс, 58), Шелви (Мангаля, 72), Фройлер, Гиббс-Уайт, Данило (Айю, 58), Джонсон.
“Манчестер Сити”: Эдерсон, Уокер, Лапорт, Рубен Диаш, Гундўған, де Брюйне (Альварес, 88), Грилиш, Бернарду Сильва, Родри, Фоден (Аке, 89), Ҳоланд.
Огоҳлантиришлар: Уоррелл (14), Гвардиола (66).
“Челси” — “Саутҳэмптон” 0:1
Гол: 0:1 – 45 Уорд-Проуз.
“Челси”: Аррисабалага, Аспиликуэта (Чалоба, 84), Кулибали (Фофана, 46), Бадяшил, Чилуэлл (Галлаҳер, 84), Ковачич, Маунт (Ҳаверц, 64), Фернандес, Жоау Феликс, Мадуэке (Мудрик, 64), Фофана (Стерлинг, 46).
“Саутҳэмптон”: Базуну, Беднарек, Белла-Кочап, Перро, Армстронг (Уолкотт, 59), Элюнусси (Алкарас, 87), Уорд-Проуз, Лавиа (Диалло, 87), Мэйтленд-Найлз (Войнович, 90), Сулемана (Армстронг, 59), Онуачу (Мара, 59).
Огоҳлантиришлар: Кулибали (4), Белла-Кочап (16), Армстронг (45), Мара (75), Лавиа (87), Аррисабалага (87), Уорд-Проуз (90), Перро (90), Ковачич (90).
Изоҳ (0)