АПЛ. “Челси” “Ноттингем Форест”га қарши ўйинда камбек амалга оширди ва ғалаба қозонди (видео) 

Футбол бўйича Англия Премьер Лигасининг 37-турида “Челси” 11 май, шанба куни “Ноттингем Форест”га қарши баҳс олиб борди.

Учрашувнинг 8-дақиқасида “аристократлар” футболчиси Мудрик ҳисобни очди. 16-дақиқада эса Боли мувозанатни тиклади. Бўлим дуранг натижа билан якунланди.

Ўйиннинг сўнгги 15 дақиқасида эса жамоалар яна “уйғонди”. Дастлаб 74-дақиқада Ҳадсон-Одои “Ноттингем”ни ҳисобда олдинга олиб чиққан бўлса, 80-дақиқада Раҳим Стерлинг ҳисобни тенглаштирди. Орадан 2 дақиқа ўтиб, Жексон “Челси”га ғалаба келтирувчи гол муаллифига айланди.

Ушбу ғалабадан сўнг Почеттино шогирдлари 57 очко билан мусобақа жадвалида 7-ўринда бормоқда.

АПЛ

37-тур баҳси

11 май, шанба

“Ноттингем” — “Челси” 2:3

Голлар: 0:1 – 8 Мудрик, 1:1 – 16 Боли, 2:1 – 74 Ҳадсон-Одои, 2:2 – 80 Стерлинг, 2:3 – 82 Жексон.

“Ноттингем Форест”: Зелс, Монтел (Эланга, 72), Боли, Ниакате (Авонийи, 86), Мурилло, Айна, Гиббс-Уайт, Ейц (Тоффоло, 72), Данило, Вуд, Ҳадсон-Одои (Домингес, 86).

“Челси”: Петрович, Чалоба, Тиаго Сильва, Бадяшил (Гюсто, 58), Кукуреля, Галлаҳер (Жеймс, 79), Мудрик (Стерлинг, 73), Палмер, Кайседо, Мадуэке (Нкунку, 58), Жексон.

Огоҳлантиришлар: Бадяшил (15), Галлаҳер (34), Ниакате (77), Жексон (82), Домингес (90+2).