Грем Поттер 2 апрель куни “Челси”дан истеъфога чиқарилди. Инглиз мутахассиси Лондон клубида 7 ойга яқин фаолият олиб борди.
Бу вақт ичида Поттернинг “кўклар” жамоасидаги фаолияти қандай ўтди? Қуйида Гарри Поттер фильмига оид гифлар орқали Грем босиб ўтган йўл ёдга олинади.
Грем Поттернинг Лондондаги саргузаштлари
Сентябрь ойида америкалик бизнесмен Тодд Боули ёш мутахассис Грем Поттерни “Челси”га олиб кетиш учун Брайтонга ташриф буюрди.
Поттерни таклиф ҳайратга солди ва у узоқ ўйлаб ўтирмади.
Мутахассис тезда чемоданларини йиғиштирди ва Лондонга кетадиган поездга ўтирди.
Поттернинг ташрифидан “Челси” вакиллари орасида Марк Кукуреля жуда хурсанд бўлди. У айнан Поттернинг “Брайтон”ида ёрқин ўйин кўрсатганди.
Ишга киришиши олдидан ғалати огоҳлантириш ҳам бўлди. “Челси” офисида Поттер толиққан немис мутахассисини учратди, у Гремни соғлиғига эътиборли бўлишга чақирди. Бу клуб собиқ устози Томас Тухель эди.
Поттер ёмон бошламади: 9 та мағлубиятсиз ўйин, 6 ғалаба.
“Челси” мухлислари ҳам хурсанд эди...
Тодд Боули ҳам “Стемфорд Бриж”да кайфияти чоғ ҳолда ўтирарди.
Унинг даврида Кепа Аррисабалага асосий дарвозабон ролига қайтди.
Ҳаммаси “Брайтон”га қарши ўйиндан кейин бошланди. Поттер ўзи учун қадрли стадионга борди ва 1:4 ҳисобидаги қақшатқич мағлубиятни қабул қилиб олди.
Шундан кейин “Челси”да шўнғиш бошланди.
Поттер ва “Челси” Лига Кубоги билан хайрлашди — Пеп Гвардиола бошлиқ “Манчестер Сити” уларни мағлуб этди.
Жаҳон Чемпионати олдидан жамоа кетма-кет учта мағлубиятни қабул қилиб олди.
Мухлислар ҳам мураббийни кескин кутиб олишни бошлади.
Boxинг Дайъда “Борнмут” устидан қозонилган ғалаба ҳам Поттерни солиштирувлардан қутқариб қололмади. “Челси” 17 турдан кейин 24 очко тўплаганди, бир йил аввал бу кўрсаткич 37 очкога тенг эди.
Янги йил — мўжизалар ва трансфер ойнаси вақти. Муаммоларни ҳал қилиш учун имкон берилди.
Боули мураббийга трансферлар учун 300 миллион фунт ажратди. Мураббий фаолияти давомида бу қадар кўп пулга эга бўлмаганди.
“Шахтёр”дан 70+30 миллион эвазига Михайло Мудрикни сотиб олинди. Йигитча “Арсенал”га кетаётган чоғида “Челси” томонидан илиб кетилди.
Жаҳон Чемпионатининг ёш юлдузи Энсо Фернандес учун “Бенфика”га 120 миллион фунт берилди.
Жамоа гол уришни бошлаши учун Жоау Феликс 11 миллион эвазига ярим йилга ижарага олинди.
Кейинчалик Поттер янги ўйинчилардан қандай фойдаланишни билмаётгани маълум бўлди.
Жамоадаги атмосфера ҳам яхши эмасди. Кукуреля ва Мудрик, бир қанотда тўп сурадиган ўйинчилар бир-бири билан чиқиша олмади.
“Челси” февраль ойида барча ўйинларда биттагина гол урди. Ойнинг энг чиройли голини аниқлаш учун танлов ҳам йўқ эди.
Омадсиз ойдан кейин Поттер шикоят қилди: унинг оиласига таҳдидлар бўлаётгани, ўзи эса кучли босим остида қолганини айтди.
Чемпионлар Лигасида эса жорий мавсум кўтаринки руҳда ўйнаётган “Боруссия Д” дуч келди.
Бироқ Лондон клуби рақиб устидан ишончли ғалабага эришди. Дастлабки ўйиндаги мағлубиятдан кейин жавоб баҳсида ғалаба.
Бироқ Премьер Лигадаги ҳолат беқарор бўлиб қолаверди. Ғалабалар ҳам ишончли ўйин орқали қайд этилмаётганди. Поттер эса худди нима қилишни билмаётгандек таассурот қолдирарди.
Бу вақтда қиммат нархга сотиб олинган янги футболчилар ўйинларни захира ўриндиғида кузатарди.
“Астон Вилла”га қарши ўйиндан кейин Боулининг сабри тугади. У Поттер билан хайрлашди. Эртак ҳам якун топди.
Изоҳ (0)