Агар қаерга ва қандай ҳаракат қилишни билмасангиз, ўзингизга босим ўтказмасликка ҳаракат қилинг, шунчаки секинроқ юринг ва дам олинг. 89 ёшли япон психотерапевти ва психиатри Накамура Сунеконинг айтишича, ички ҳолатингизни қабул қилиб, мукаммал бўлишга уринмасангиз, албатта, муваффақиятга олиб борадиган йўлни топасиз.
Хотиржамлик, фақат хотиржамлик
Ташвиш кўпчилик учун аллақачон одатий ҳолга айланган. Мияда доимий равишда жуда кўп фикрлар айланиб юради, бу чексиз оқимни тўхтатиш учун “паузани босишга” имкон бермайди. Аксинча, биз ўзимизни янада кўпроқ қоралай бошлаймиз, қилган барча ишимиз беҳуда кетди, умуман олганда, мен жуда заиф ва ҳеч нарсага қодир эмасман, деб қайта-қайта такрорлаймиз. Ушбу уйдирмалардан сўнг ҳаётий механизмимиз қайта ишга туширилади, бир неча марта ёмонроқ ишлай бошлайди ва бу жараённи вақт ўтиши билан тўхтатиб бўлмайди.
Муваффақият ҳақида ўйламанг
Ғалати эшитилади, лекин бу жуда самарали усул. Психотерапевтнинг тушунтиришича, агар доимо муваффақиятга эришиш йўлида яна бир қадам ташлашга имкон берадиган у ёки бу мақсадга қандай эришиш ҳақида ўйласак, ҳайратланарли даражада ҳафсалангиз пир бўлиши мумкин. Омадга қанчалик кам умид қилсангиз, бахтли имконият шунчалик тез қўлга киритилади.
Бўш вақтингиз қолмасин
Ўзининг кўп йиллик тажрибасига асосланиб, Накамура Сунеко баъзан хавотирга берилиб кетмаслик ва ҳамма нарса ҳақида ташвишланмаслик учун ўзингизни ортиқча иш билан банд қилишингиз керак, деган хулосага келди. Психолог ҳар биримизни вақтни ёқимли ўтказишга ёрдам берадиган, лекин шу билан бирга фойда келтирадиган ва ўзимиздан кейин ёқимли ҳис-туйғуларни қолдиришга ёрдам берадиган иш топишга чақиради.
Бахтга интилманг
Ортиқча фалсафий мулоҳазалар ва бахтли бўлиш учун доимий уринишлар кўпинча умидсизликка олиб келади ва энергия ҳамда вақтингизни исроф қилади. Накамура бизни “бахтли-бахтсиз” мавзусидаги чексиз мулоҳазаларга нуқта қўйишга ундайди, чунки кўпинча уларнинг барчаси бошқалар билан таққослашга асосланади.
“Шундай бўлиши керак” сўзлари керакциз юкка ўхшайди. Керакциз юкдан иложи борича тезроқ қутулиш лозим, акс ҳолда остида умуман ҳаракатланмай қолиш хавфи бор. Агар доимо ўзингизни бошқалар билан таққосласангиз, руҳий зўриқиш ва стресс ортади, дея хулоса қилади психиатр.
Изоҳ (0)