Аргентиналик мутахассис Эктор Купер Ўзбекистон терма жамоасининг Австралиядаги йиғинига жалб қилинган футболчилар рўйхатини эълон қилди. Бу ҳақда ЎФА матбуот хизмат хабар берди.
Жорий йилнинг 11—21 ноябрь кунлари Эктор Купер бошчилигидаги Ўзбекистон миллий терма жамоаси Австралиянинг Брисбен шаҳрида Осиё Кубоги—2019 мусобақасига тайёргарлик доирасида иккита ўртоқлик учрашувида майдонга тушади.
Қайд этиш жоиз, таркибдан Осиё футбол конфедерацияси томонидан 6 ой муддатга дисквалификация қилинган Тошкентнинг «Пахтакор» клуби ярим ҳимоячиси Жалолиддин Машарипов ҳам ўрин олган. Маълумот учун, Жакартада бўлиб ўтган Осиё ўйинларининг футбол мусобақалари чорак финалида Ўзбекистон (U23) – Жанубий Корея (U23) учрашувидан кейин ҳакамга қарата сув идишини отган ўзбекистонлик футболчи 6 ой муддатга ўртоқлик ўйинларидан четлатилганди.
Эслатиб ўтамиз, Ўзбекистон термаси 15 ноябрь куни Ливан, 20 ноябрь куни эса Жанубий Корея терма жамоасига қарши майдонга тушади.
Унга кўра таркибга қуйидаги футболчилар жалб этилди:
Дарвозабонлар:
- Игнатий Нестеров («Локомотив»)
- Элдорбек Суюнов («Пахтакор»)
- Ўткир Юсупов («Қўқон-1912»)
- Анзур Исмоилов («Локомотив»)
- Даврон Ҳошимов («Навбаҳор»)
- Владимир Козак(Пахтакор)
- Егор Кримец («Пахтакор»)
- Фаррух Сайфиев («Пахтакор»)
- Акмал Шораҳмедов («Пахтакор»)
- Ислом Тўхтахўжаев («Локомотив»)
- Достон Турсунов («Нефтчи»)
- Олег Зотеев («Локомотив»)
- Одил Ҳамробеков («Насаф»)
- Одил Аҳмедов («Шанхай СИПГ», Хитой)
- Икром Алибоев («Локомотив»)
- Достон Ҳамдамов («Анжи», Россия)
- Азиз Турғунбоев («Навбаҳор»)
- Ҳусниддин Ғофуров («Локомотив»)
- Элдор Шомуродов(«Ростов», Россия)
- Отабек Шукуров («Шаржа», БАА)
- Жавоҳир Сидиқов («Қўқон-1912»)
- Жасур Яхшибоев («Пахтакор»)
- Жалолиддин Машарипов («Пахтакор»)
- Марат Бикмаев («Локомотив»)
Изоҳ (0)