Қашқадарёда қўйлар подасини автомобиль уриб юборгани ҳақида хабарлар тарқалди. Вилоят ЙҲХБ матбуот хизмати ҳолат ноябрь ойида содир бўлганини маълум қилди.
17 ноябрь куни соат 05:00 ларда Сурхондарё вилоятида яшовчи фуқаро А.С. бошқарувида бўлган Isuzu русумли транспорт воситаси билан Кўкдала тумани ҳудудидан ўтувчи А-378 Ғузор—Самарқанд автомобиль йўлининг 105-километрида бошқариб кетаётиб, Ғузор туманида яшовчи Ш.Т. ҳамда Қ.Қ.нинг 95 бош майда шохли молларини уриб юборган.
Мазкур ҳолат юзасидан Кўкдала тумани ИИБ ҳузуридаги тергов гуруҳи томонидан терговолди суриштирув ҳаракатлари олиб борилмоқда.
Шу каби ҳолат октябрда Тошкент вилоятининг Оҳангарон туманида ҳам содир бўлганди. Spark автомобили йўлнинг қатнов қисмида бўлган қўйлар подасини уриб юборган. Ҳайдовчи транспорт воситасини тўхтатиб, тушганидан сўнг автомобилда ёнғин келиб чиққан.
Изоҳ (0)