Футбол бўйича ёшлар ўртасидаги Жаҳон чемпионатининг C ва D гуруҳларида 2-тур баҳслари 24 майдан 25 майга ўтар кечаси бўлиб ўтди.
C гуруҳидан ўрин олган 2-тур ўйинида Колумбия U-20 жамоаси Япония ёшларига қарши баҳс олиб борди ва 2:1 ҳисобида мағлуб этди. Гуруҳнинг иккинчи ўйинида Исроил Сенегал билан 1:1 ҳисобида дуранг ўйнади.
Колумбиялик ёшлар C гуруҳи жадвалида олти очко билан биринчи ўринда бораётган бўлса, Япония уч очко билан иккинчи ўринни эгаллаб турибди. Исроил ва Сенегал эса бир очкодан қўлга киритган.
D гуруҳида Бразилия U-20 терма жамоаси Доминикан устидан 6:0 ҳисобида ғалаба қозонди. Биринчи турда Бразилияни мағлуб этган Италия ёшлари эса Нигерияга 0:2 ҳисобида мағлуб бўлди.
Ушбу ғалабадан кейин нигериялик ёшлар олти очко билан гуруҳ пешқадамига айланди. Сўнгги тур олдидан Италия ва Бразилия U-20 терма жамоаларида уч очкодан бор. Доминикан эса ҳали очко тўплай олмади ва гуруҳда охирги ўринни эгаллаб турибди.
25 майдан 26 майга ўтар кечаси яна иккита гуруҳда 2-тур баҳслари бўлиб ўтади.
E гуруҳи
- Уругвай — Англия 23:00
- Ироқ — Тунис 02:00
F гуруҳи
- Франция — Гамбия 23:00
- Жанубий Корея — Гондурас 02:00
U-20 ЖЧ—2023
2-тур баҳслари
24/25 май
Сенегал — Исроил 1:1
Голлар: 0:1 – 58, автогол Бабакар Ндиае, 1:1 – 80 Пепе Диоп.
Япония — Колумбия 1:2
Голлар: 1:0 – 30 Рику Ямане, 1:1 – 53 Ясер Аспириля, 1:2 – 59 Томас Гутеррес.
Италия — Нигерия 0:2
Голлар: 0:1 – 61 Салим Лавал, 0:2 – 90+5 Жуд Сандей.
Бразилия — Доминикан 6:0
Голлар: 1:0 – 37 Савио, 2:0 – 38 Маркос Леонардо, 3:0 – 57 Карнейру Педросо, 4:0 – 82 Жиоване Сантана, 5:0 – 90+1 Марлон Гомес, 6:0 – 90+3 Матеус Сильва.
Изоҳ (0)