Футбол бўйича Миллатлар Лигасининг 4-туридан ўрин олган қатор учрашувлар 13 июнь тунида бўлиб ўтди.
Франция терма жамоаси ўз майдонида Хорватияни қабул қилди ва 0:1 ҳисобида имкониятни бой бериб қўйди. Учрашув тақдирини ҳал қилиб берган ягона голни 5-дақиқада Лука Модрич пенальтидан киритди.
Шу тариқа мусобақанинг амалдаги ғолиби Франция терма жамоаси унвонни ҳимоя қилиш имкониятидан маҳрум бўлди. Жамоа гуруҳ босқичининг 4-туридан кейин 2 очко билан иккинчи ўринда бормоқда, Дидье Дешам шогирдларининг чемпион бўла олмаслиги маълум бўлиб улгурди.
Дания Австрияни меҳмон қилиб, ишончли ғалабани қўлга киритди, Озарбайжон эса Беларусдан устун келди.
Миллатлар Лигаси
4-тур баҳслари
13 июнь, душанба
Франция – Хорватия 0:1
Гол: 0:1 – 5, пенальти Модрич.Франция: Меньян, Кунде (Павар, 46), Кимпембе, Конате, Дин, Рабьо, Камара (Тчуамени, 46), Гендузи (Гризманн, 80), Нкунку (Коман, 73), Бензема, Мбаппе.
Хорватия: Ивушич, Станишич, Эрлич, Шутало, Юранович, Модрич, Ковачич (Сучич, 90), Брозович, Пашалич (Майер, 65), Брекало (Влашич, 73), Будимир (Крамарич, 73).
Огоҳлантиришлар: Гендузи (18), Брозович (50), Павар (62), Рабьо (67).
Изоҳ (0)