“Дарё”нинг Афғонистондаги мухбири Мозори Шарифдаги новвойхоналардан биридан репортаж тайёрлади.
Маълум қилинишича, нонвойхонани укаси билан бирга юритадиган Шамсуддин Ниёзий ҳар куни 4-5 хил нон тайёрлашади.
Нонвойхонада жами 10 киши ишлайди ва улар оиласининг харажатларини шу нонвойхонада ишлаб топишади.
Шамсуддиннинг айтишича, харидорлар учун ҳар куни тахминан 1200-1400 та нон пиширилади.
Шамсуддин пиширадиган нонлар ўзбики нони, панжакаш нони, ёғли нон, чапати нони ва мижозлар буюртма қиладиган бошқа нон турларидан иборат.
Ноннинг нархи вазнига қараб ўзгаради. 1 та нон нархи 10 афғонидан 50 афғонигача (15 сентдан 75 сентгача) ташкил қилади.
“Дарё” мухбири билан суҳбатда Шамсуддин нон пиширишнинг ўзига яраша машаққатлари борлигини, лекин ўз ишидан розилигини айтиб ўтган.
Изоҳ (0)