“Daryo”ning Afg‘onistondagi muxbiri Mozori Sharifdagi novvoyxonalardan biridan reportaj tayyorladi.
Ma’lum qilinishicha, nonvoyxonani ukasi bilan birga yuritadigan Shamsuddin Niyoziy har kuni 4-5 xil non tayyorlashadi.
Nonvoyxonada jami 10 kishi ishlaydi va ular oilasining xarajatlarini shu nonvoyxonada ishlab topishadi.
Shamsuddinning aytishicha, xaridorlar uchun har kuni taxminan 1200-1400 ta non pishiriladi.
Shamsuddin pishiradigan nonlar o‘zbiki noni, panjakash noni, yog‘li non, chapati noni va mijozlar buyurtma qiladigan boshqa non turlaridan iborat.
Nonning narxi vazniga qarab o‘zgaradi. 1 ta non narxi 10 afg‘onidan 50 afg‘onigacha (15 sentdan 75 sentgacha) tashkil qiladi.
“Daryo” muxbiri bilan suhbatda Shamsuddin non pishirishning o‘ziga yarasha mashaqqatlari borligini, lekin o‘z ishidan roziligini aytib o‘tgan.
Izoh (0)