Афғонистонлик такси ҳайдовчиларига автомобилларини қайта бўяш тугагунига қадар шаҳар ва кичик шаҳарчалар йўлларида ҳаракатланиш тақиқланади, акс ҳолда улар жиддий ҳуқуқий оқибатларга ва ҳатто жиноий жавобгарликка тортилади.
“Барча такси ҳайдовчиларидан зудлик билан илтимосим шуки, транспорт воситаларини бўяшга жўнатишда жараён тўлиқ якунланмагунча шаҳар бўйлаб ҳаракатланишдан сақлансинлар”, дейди Кобул транспорт полицияси бошлиғи Хиял Муҳаммад Гавар.
Афғонистонда таксиларни сариқдан оқ-кўк рангга қайта бўяш қонуни 2023 йилнинг май ойида қабул қилинган эди. Мамлакат транспорт полицияси аввалроқ хабар берганидек, ушбу чора Афғонистон аъзо бўлган 1973 йилдаги Йўл ҳаракати тўғрисидаги Вена конвенцияси қоидаларига риоя қилиш учун кўрилган.
Унинг тушунтиришича, афғон таксилари бўялган сариқ ранг у ерда кўрсатилмаган, шунинг учун улар “тўғри” ранглардан бирини, яъни кўк рангни танлаб, уни оқ ранг билан тўлдиришган.
Такси ҳайдовчиларига машиналарни қайта бўяш учун уч ойдан кўп бўлмаган муддат берилган, аммо маҳаллий ОАВ хабарига кўра, бу жараён узоқ давом этди, чунки машинани бўяш жуда қиммат ва кўпчилик автомобиль эгаларида бунга пул йўқ. Ушбу буйруқни бажармаганлик учун жаримага тортилмаслик мақсадида ҳайдовчилар кўпинча давлат рақамларисиз юрмоқда.
Мамлакат йўл ҳаракати бош бошқармаси маълумотларига кўра, Афғонистоннинг тўрт вилоятида 20 мингдан ортиқ такси аллақачон бўялган.
Изоҳ (0)