Иккинчи энг енгил вазн тоифасида япониялик мутлақ жаҳон чемпиони Наоя Иноуэ декабрь ойида рингга қайтади.
Япониялик боксчи 24 декабрь куни Токио шаҳрида ташкил этиладиган бокс оқшоми доирасида австралиялик даъвогар Сем Гудмандан IBF чемпионлик камарини ҳимоя қилишга уриниб кўради.
Иноуэнинг WBA камарига мажбурий даъвогар бўлиб турган ҳамюртимиз Муроджон Аҳмадалиевнинг эса декабрь ойида WBA Интерим камари учун жанг қилиши айтилмоқда.
Эслатиб ўтамиз, Иноуэ ўзининг сўнги жангини 2024 йил сентябрь ойида ўтказган. Боксчи мутлақ жаҳон чемпионлиги унвонини ҳимоя қилганди. Токиода бўлиб ўтган бокс оқшомида япониялик спортчи Ти Жей Доэнига қарши жанг қилиб, еттинчи раундда уни нокаутга учратган. Иноуэнинг зарбасидан сўнг Доэни жангни давом эттиролмаслиги маълум бўлганди.
Промоутер Боб Арум япониялик боксчи Наоя Иноуэнинг кейинги иккита жанги кимларга қарши бўлишини маълум қилди. Унинг режаларида ўзбекистонлик боксчи Муроджон Аҳмадалиев йўқ.
Муроджон Аҳмадалиевнинг адвокати Пет Инглиш япониялик мутлақ чемпион Наоя Иноуэ жангдан бош торца, қонуний чора кўрилишини маълум қилганди.
Изоҳ (0)