Проффесионал бокснинг иккинчи ярим енгил (-55,34 кг) вазн тоифасида WBC ва WBO камарлари соҳиби Наоя Иноуэ (26-0, 23 КО) WBA ва IBF чемпиони Марлон Тапалесни (37-4, 19 КО) мағлубиятга учратди.
Иноуэ аввалига 4-раундда рақибини нокдаун қилган бўлса, 10-раундда уни бир йўла нокаутга учратди.
Шу тариқа Наоя Иноуэ проф бокснинг иккинчи ярим енгил вазн тоифасида (-55,34 кг) мутлақ чемпионга айланди.
Энди Иноуэнинг рақиби Муроджон Аҳмадалиев бўладими?
Ушбу рейтингга эътибор қаратиладиган бўлса, WBC рейтингида Луис Нери, WBA’да Муроджон Аҳмадалиев, IBF’да Сем Гудман мажбурий даъвогар бўлса, WBO’да ҳозирча даъвогар мавжуд эмас.
Наоя дастлабки ҳимоя жангини WBC рейтингидаги боксчига қарши ўтказади. Қолаверса, WBC конвенциясида даъвогарлик мақоми кўриб чиқилганда, Иноуэ ва Тапалес жанги ғолиби ўз камарини Луисдан ҳимоя қилиши бўйича ҳам қарор қабул қилинган. Ундан сўнг Муроджон Аҳмадалиев, кейин эса Гудманнинг навбати келади. Бундан хулоса қилинадиган бўлса, Иноуэнинг навбатдаги жанги Луис Нерига қарши бўлиб ўтади.
Изоҳ (0)