АҚШ президенти Жо Байден республикачилар партиясидан президентликка номзод Дональд Трампни “сиёсий қамоққа олиш”га чақирди.
У Трампнинг ҳокимият тепасига келишининг мумкин бўлган оқибатлари ҳақида ўйлашни таклиф қилди.
“Биз уни қамоққа олишимиз керак. Сиёсий қамоққа олиш керак. Уни йўқ қилиш керак”, деди Байден Нью Ҳемпширдаги Демократик партиянинг тадбирида.
Байден Олий суднинг Дональд Трамп дахлсизлиги ҳақидаги қарорини инобатга олган ҳолда, “ўзи учун хавф туғдиради деб ҳисоблаган одамни жисмонан йўқ қилиш” ҳуқуқига ишончи комил эканини айтди.
“Агар беш йил олдин айтганимда, мени қамаган бўлардингиз. Демократиямиз хавф остида. Агар Трамп бу сайловда ғалаба қозонса нима бўлишини ўйлаб кўринг”, дея қўшимча қилган Америка етакчиси.
Дональд Трампга тўртта жиноий иш бўйича жами 91 та айблов қўйилган. Энг оғир айбловлар учун жазо 20 йилгача қамоқ ҳисобланади. Айбловлар йиғиндисига кўра, сиёсатчини 700 йилдан ортиқ қамоқ жазоси кутмоқда. Республикачи жиноий таъқибни демократлар томонидан унинг Оқ уйга қайтишига тўсқинлик қилишга уриниш деб ҳисоблайди.
Изоҳ (0)