Дональд Трамп Камала Ҳаррис билан муваффақиятсиз дебатдан сўнг ўз рейтингини ошириш учун Флоридада содир бўлган суиқасддан фойдаланмоқчи. Бу ҳақда Bloomberg ёзмоқда.
Трамп президент Жо Байден ва Ҳаррисни Флоридадаги голф клубида ўз ҳаётига суиқасд уюштирилишга туртки бўлган “ўта қўзғатувчи риторика” қўллашда айблади.
“Суиқасд қилмоқчи бўлган шахс Байден ва Ҳарриснинг сўзларига ишонди ва шунга мувофиқ ҳаракат қилди”, деди Трамп Fox News Digital телеканалига берган интервьюсида.
Трамп, шунингдек, Демократик партияни уни “демократияга таҳдид” сифатида кўрсатишда айбдор деб ҳисоблашини таъкидлади. Унинг фикрича, “ҳақиқий таҳдид” Байден ва Ҳаррисдир.
Bloomberg таъкидлаганидек, бу баёнотлар, шунингдек, ўз сиёсий рақибларини суиқасд учун айблашга уриниш Трампнинг президентлик пойгаси йўналишини ўзгартириш ва Ҳаррис билан муваффақиятсиз баҳсдан сўнг ташаббусни қайта қўлга киритиш истагини таъкидлайди.
Маълумот учун, кеча Дональд Трамп голф ўйнаётган клуб ёнида отишма содир бўлди. Махфий хизмат вакиллари суиқасд уюштиришда гумонланаётган 58 ёшли Райан Уэсли Рутни қўлга олган. У 20 йилгача қамоқ жазосига ҳукм қилиниши мумкинлиги айтилмоқда.
Изоҳ (0)