“Ливерпуль” ҳимоячи Виржил ван Дейк жамоани тарк этишга қарор қилса, унинг ўрнига қайси футболчи сотиб олиниши маълум бўлди. Голландиялик футболчининг шартномаси мавсум охирида якунига етади.
Клуб ҳимоя чизиғини Дортмунднинг “Боруссия”си ва Германия терма жамоаси ҳимоячиси Нико Шлоттербек билан кучайтириш ниятида. “Қизиллар” бу трансфер учун тахминан 50 миллион евро, футболчининг ўзига эса йилига 7 миллион евро маош таклиф қилишга тайёр. “Ливерпуль”нинг Шлоттербек учун курашдаги рақиби “Ньюкасл” клуби ҳисобланади.
Эслатиб ўтамиз, 24 ёшли марказий ҳимоячи “Боруссия” сафида 2022 йилнинг июлидан буён тўп сурмоқда. Унинг шартномаси 2027 йилнинг июнигача амал қилади. Жорий мавсумда Шлоттербек барча турнирларда 9 та ўйин ўтказиб, иккита голли узатмани амалга оширди ва тўрт бор сариқ карточка олди. Transfermarkt портали немис футболчисини 40 миллион еврога баҳоламоқда.
Изоҳ (0)