“Реал” Леверкузеннинг “Байер” клуби ўнг қанот ҳимоячиси Жереми Фримпонгга қизиқиш билдирмоқда.
Манбага кўра, унинг 2028 йилгача мўлжалланган шартномасида келаси ёзда тахминан 40 миллион евро эвазига сотиб олиш банди мавжуд.
Жереми жорий мавсумда клуб сафида 9 та ўйинда майдонга тушиб, 1 та гол урди ва 2 та голли узатмани амалга оширди.
Аввалроқ Фримпонг Трент Александер-Арнольд клубдан “Реал”га кетган тақдирда “Ливерпуль” таркибига қўшилиши мумкинлиги ҳақида хабар берилганди.
Маълумот учун, ўтган мавсумда Фримпонг барча турнирларда 47 та ўйинда қатнашиб, 14 та гол ва 12 та голли узатмани амалга оширган. Transfermarkt порталида берилган маълумотларга кўра, футболчининг бозор қиймати 50 миллион еврони ташкил қилади.
Изоҳ (0)